રામઝરૂખો જડ્યો
રામઝરૂખો જડ્યો
ઊભેમારગ ભર્યો ખજાનો સામે આવી ચડ્યો.
બડભાગી આ જીવને ફૂટી તેજનીતરતી આંખો.
આભ સામટું અંકે કરવા મથતી મનની પાંખો.
આપોઆપ જ અંદર અંદર આખો હું ઝળહળ્યો.
રામઝરૂખો જડ્યો
ઇચ્છાની આંગળીયું છોડી ઊભો છું કર જોડી.
કોઈ હલેસું થઈ હાંકે મધદરિયે મારી હોડી.
રામનામના મંતરથી જીવતરનો ફેરો ફળ્યો.
રામઝરૂખો જડ્યો
~ નીતિન વડગામા
રામ તમે આવો
રામ તમે આવો ને ગાદીએ બિરાજો !
આનંદના હિલ્લોળે આખો યે દેશ,
હવે દેશનું સુકાન સંભાળો !
રામ તમે આવો ને ગાદીએ બિરાજો !
મંગલિયુ ગાઈને તમને વધાવીએ,
તિલક કરે છે ભારત માત !
અણીના ટાંકણે આવી ઊભા છો,
કરો કરૂણાના સાગર પ્રભાત !
પાવન પ્રતાપી આ ભારતની ભૂમિના
કલ્યાણની ધુરા સંભાળો !
રામ તમે આવો ને ગાદીએ બિરાજો !
ફરી પાછાં સંકટના વાદળ છવાયા છે,
ફરી પાછું ધનુષ્ય ઉગામો,
દેશને અસ્થિર કરનારા હિંસક તત્વોના,
નાશ કરો સધળા મુકામો !
શાંતિ સુશાસનનું રાજ કરો અંકે અને
સદીઓ લગ ગાદીએ બિરાજો !
રામ તમે આવો ને ગાદીએ બિરાજો
~ પ્રફુલ્લ પંડ્યા
બન્ને કવિ શ્રી ના રામ કાવ્ય ખૂબ સરસ.
કવિ શ્રી નીતિન વડગાઆનું કાવ્ય ખૂબ જ અર્થ સભર. કવિ પ્રફુલ્લ જીનું ગીત ખૂબ સરસ.
ખૂબ સરસ રામઝરૂખો
ખૂબ સરસ રામ ઝરૂખો .
રવિન્દ્ર પારેખ અને નિતિભાઈની કૃતિઓ ખૂબ ગમી
રામઝરૂખો જડી જતાં કવિ પોતે અને આપણને હૈયાધારણ આપી દે છે.
પ્રફ્ફુલભાઈના ગેયતાથી ગીત આસ્વાદ્ય બન્યું છે.
બંને કવિઓને અભિનંદન.