🌸
જયશ્રીરામ
દીવડાઓની હાર ઝગી છે નભદરવાજે જયશ્રીરામ
નાદ, ઘોષ ને સ્વરલહરીઓ એક અવાજે જયશ્રીરામ.
ઓકળીએ આંગણ અજવાળ્યાં, અવસરના મંડપ રોપાયા
મંગલ ગીતો રહે છવાયાં, મનના દ્વારે જયશ્રીરામ
શેરી, નાકા, પાદર, ગામો, નગર ગલી સૌ ચક્કાજામ
દૃશ્યોના દરબાર ભરાયા, ધૂન બોલાયે જયશ્રીરામ
વનવાસે જે વિહરી વ્યાપ્યાં, ન્યાય સત્યને જેણે સ્થાપ્યાં
સમદર એના શ્રીચરણોને, રોજ પખાળે જયશ્રીરામ
ધર્મ એ જ છે ધારણ એનું, કર્મ એ જ છે કારણ એનું
એ જ સારથિ એ જ વિસામો, રહે સદાયે જયશ્રીરામ
એ જ ધરા ને છે નભમંડળ, સૂર્ય એ જ, છે તારાચંદર
વાયુ એને લઈને વહેતા, કણ કણમાં એ જયશ્રીરામ
દીવાલો ના રહી સલામત, નડતર સૌ થઈ ગયા અવાચક
ભેદ ભરમ ક્યાં? ખૂલી હકીકત, જાદુ વ્યાપે જયશ્રીરામ
બોલ બબાલો કરતા જેઓ, દોણી દૈની ભરતા જેઓ (દૈ-નસીબ)
હડસેલાશે, ઠેલાશે ને ખૂણે થાશે જયશ્રીરામ
ભલે મુખોટા પહેરી ફરતા, જનતા ઠગવા વેશો ધરતા
કદી અરીસા ભણી ન જોશે, છો અટવાશે જયશ્રીરામ
આ કોઈ ના થઈ કરામત, સમય થયો છે આજે સાવધ
મૂળિયાં સદીઓની વિરાસત, એ સચવાશે જયશ્રીરામ
હૈયે જેને દશરથબાળ, હાથોમાં દિશા વરમાળ
ભારતમાના સંતાનો સૌ, સદાય ગાશે જયશ્રીરામ
જયશ્રીરામ જયશ્રીરામ
~ લતા હિરાણી
મારી વાર્તા આપ નીચેની લિન્ક પર વાંચી શકો છો. આભાર.
જય શ્રી રામ..
સરસ રચના…
જય સિયારામ
જય શ્રી રામ..
સરસ રચના…
જય સીયારામ
જય સિયારામ ખુબ સરસ
જય સીયારામ
ખૂબ જ સરસ ગીત, જય શ્રી રામ.
જય સીયારામ
આજના દિવસનું સરસ પ્રાસંગિક ગીત.
જય સિયારામ
પ્રસંગને અનુરુપ બહું જ સુંદર ગીત.
વાહ લતાબહેન વાહ.
જય સિયારામ
બહું જ સુંદર ગીત.
વાહ લતાબહેન વાહ.