🌸
ટગલી ડાળે જો
ઊગ્યું રે અજવાળું, પેલી ટગલી ડાળે જો
દડિયું ઝાકળ ઝાળું, પેલી ટગલી ડાળે જો…
પરોઢિયાની પાંખે ફૂટે, ટશિયા કેવા રાતા
સંતાકૂકડી રમતા પેલા અંધારા સંતાતા
ચાંદો ચપટીમાં સંકેલી, ભૂરકી ખાળે હો
ટગલી ડાળે જો…
હળવે લહેરાતી કલરવની, કૂંજગલીઓ પ્યારી
ઉગમણા પડખાને ઝાલી, પ્રગટી સૂર્યસવારી
શરમાતી સુગંધો પહોંચી, ફૂલની પાળે લો
ટગલી ડાળે જો…
તેજ સમા તગતગ અજવાસો, ધરતી પર પથરાય
ઝાકળથી રમતા કિરણોની આમ પથારી થાય
પનિહારીના લોચન રમતાં, કૂવા થાળે કો’
ટગલી ડાળે જો…
~ લતા હિરાણી
પ્રકાશિત > ‘શબ્દસર’ > 10-2023
મહારાજા કૃષ્ણકુમારસિંહજી યુનિવર્સિટીના ગુજરાતી ભાષા-સાહિત્ય ભવનમાં ભણતી પાયલનાં સુંદર અક્ષરોમાં
શેર કરવા બદલ આભાર ડો. મહેન્દ્રસિંહજી પરમારનો
ટગલી ડાળે ઉગેલા અજવાળાની ઝળહળતી કવિતા
આભાર હરીશભાઈ
વાહ
લયબધ્ધ ગીત રચના……
અભિનંદન..
આભાર ઉમેશભાઈ
ટગલી ડાળનું વાત સરસ કરી. અજવાળાનું ગમતીલુ ગીત .. અભિનંદન.. લતાબહેન!
આભાર મીનલબેન
વાહ ખુબ સરસ અભિનંદન લતાબેન અમે પણ શાળા ના બ્લેકબોર્ડ પર દરરોજ આવી રચનાઓ લખતા
આભાર છબીલભાઈ
વાહહહહ… લતાબેન અભિનંદન 🌷