*હમણાં લખી દઉં*
કહે નામ તારું તો હમણાં લખી દઉં
કવિતા લખીને હું રમણાં લખી દઉં
નથી આવતું કોઈ નયનોની સામે,
કહે તો, આંખોમાં સમણાં લખી દઉં
પરમ પ્યાસ તારી નદીની જ હો તો,
અધર પર હું વ્હેતાંય ઝરણાં લખી દઉં.
હવે ઝાંઝવાના, ઓ જળ ના બહેકો,
ગઝલમાં હું એવા કૈ હરણાં લખી દઉં.
‘સહજ’ હાથ તારે જો કંટક ચુભે તો,
એ કંટકના ડંખોય નમણાં લખી દઉં.
~ વિપુલ પંડ્યા ‘સહજ’
કંટકના ડંખોને કવિ નમણાં કહે છે. આપણે આખી ગઝલને નમણી કહી શકીએ. દરેક શેર ગમ્યા….
🍀
*દોસ્ત*
દોસ્ત ! દરિયો હાંફશે જો નાવમાં,
રણ સમું આવી જશે વર્તાવમાં.
સાવ ખોટી તેં ખબર પૂછી, થયું
તું ય ભભરાવીશ મીઠું ઘાવમાં
આવ સામોસામ થઇ જઇએ હવે
જીવવું શું આમ નાહક હાઉમાં
દ્રોપદીના સમ હવે સાચું કહું ?
શ્વાસ પણ હારી ગયો છું દાવમાં.
ઊંઘવા દે તું ‘સહજ’ થઇને મને
વ્યર્થ મારા સ્વપ્નમાં તું આવ મા
~ વિપુલ પંડ્યા ‘સહજ‘
વાહ કવિ… બન્ને ગઝલ હ્રદયસ્પર્શી છે.
ખૂબ ખૂબ આભાર કવિ
વાહ બન્ને રચનાઓ ખુબ સરસ ખુબ ગમી
ખૂબ ખૂબ આભાર
વાહ, મસ્ત ગઝલો.
બંને ગઝલ સરસ છે 👍🌹🙏