🥀 🥀
હંસલા હાલો રે હવે, મોતીડાં નહી રે મળે,
આ‘તો ઝાંઝવાના પાણી, આશા જુઠી રે બંધાણી
મોતીડાં નહીં રે મળે.
ધીમે-ધીમે પ્રીતી કેરો દીવડો પ્રગટાવ્યો,
રામના રખોપે મે‘તો ઘુંઘટે ઓઢાડ્યો
વાયરો વાયો રે ભેંકાર, માથે મેહુલાનો માર
દીવડો નહી રે બળે.
મોતીડાં નહી રે મળે.
વેલો રે મોડો રે મારો સાહ્યબો પધારે,
કહેજો રે કે ચુંદડી લાશે રે ઓઢાડે
કાયા ભલે રે બળે, માટી માટીમાં મળે
પ્રીતડી નહીં રે બળે.
મોતીડાં નહીં રે મળે.
🥀🥀
લોકગીત * ફિલ્મ કસુંબીનો રંગ * સ્વર લતા મંગેશકર
ખૂબ ગમતું લોકગીત સ્વરકિન્નરીના કંઠે કર્ણપ્રિય..
અપ્રતિમ…
એક ઊંડી વેદના કાવ્યમાં વણાઈ છે. સરસ ગીત.
ખુબ સરસ અને જાણીતુ લોકગીત