એક મણિબહેન થઇ ગયાં મેરી
એક મણિબહેન થઇ ગયાં મેરી
એક હરિભાઇ જે થયા હેરી
પ્યોર ઇંગ્લીશમાં કહો જંકી
શુદ્ધ ગુજરાતીમાં છે ગંજેરી
અહીંયા ચાલે છે ફક્ત ગીવ & ટેઇક
શહેર તારું છે કેશ & કેરી
ગુજરાતીમાં હું જ્યારે વાત કરું
ત્યારે થઇ જાય તું મુંગી બહેરી
આ મુલક રોજ કાનમાં કહે છે
ઇટ ડ્રીંક & બી મેરી
ખટમીઠો ટેસ્ટ હવે ક્યાં છે અદમ
બોર જેવું અહીં નથી બેરી
~ અદમ ટંકારવી
ગુજલિસ કવિતા
નાની અમસ્તી વાતમાં અપસૅટ થઈ ગઈ
હમણાં સુધી જે ધિસ હતી તે ધેટ થઈ ગઈ
અરવિંદને ઈંગ્લૅન્ડનો વીઝા મળી ગયો
ખાદીની એક ટોપી પછી હૅટ થઈ ગઈ
કૂતરો આ ફૂલફટાક તે ડૉગી બની ગયો
બિલ્લી બનીઠની ને હવે કૅટ થઈ ગઈ
ગુજરાતમાં હતી આ ગઝલ ગોળપાપડી
ઈંગ્લૅન્ડમાં આવી અને ચૉકલેટ થઈ ગઈ
હા, સ્વિટ નથિંગ્ઝ જેમ તું બોલી ગયો અદમ
ગુજલિસ કવિતા જાણે કે ચિટ્ચૅટ થઈ ગઈ –
~ અદમ ટંકારવી
વાહ ખુબ સરસ અભિનંદન
હળવી શૈલીની રમતિયાળ રચનાઓ
ગુજલીસ કવિતા વાંચવાની મજા પડી. સાથે સાથે એક મર્માળુ વ્યંગ પણ એમાં છે.અભિનંદન.
રમતિયાળ શૈલી માં મજાની રચનાઓ