તમારી આંખડી કાજલ તણો શણગાર માંગે છે
આ કેવી રોશની છે કે જે સદા અંધકાર માંગે છે
બતાવો પ્રેમપૂર્વક જર્જરીત મારી કબર એને
જ્યારે જાલિમ જમાનો જીંદગીનો સાર માંગે છે
છે સામે રૂપ કિંતુ આંખ ઊંચી થઇ નથી શકતી
વિજયની છે સરસ બાજી ને હૈયું હાર માંગે છે
અમરનું મોત ચાહનારા લઇ લો હૂંફમાં એને
મરી જાશે એ મરવાને તમારો પ્યાર માંગે છે
~ અમર પાલનપુરી
ખૂબ જ આનંદ, ગૌરવપૂર્ણ ઘટના. અભિનંદન, શુભેચ્છાઓ અને નમસ્કાર!
બતાવો એને મારી કબર જે જિંદગીનો સાર માગે છે વાહ વાહ