ફૂલ રાખ્યું ~ અરવિંદ ભટ્ટ
ફૂલ રાખ્યું હથેળી મહીં ભૂલમાં
આંગળીઓ બદલતી ગઈ શૂળમાં
આ પવન ખેરવે છે પીળાં પાંદડા ?
કે છુપાયું છે કોઈ કપટ મૂળમાં
કોઈ માણસનું પગલું મળે ના કશે
ને પગરખાં છપાતાં રહે ધૂળમાં
એ જ રંગોથી સપનાંઓ રંગ્યા હતા
એ જ પાડી ગયાં દાગ પટકૂળમાં
એક પીછું મોરનું શોધતાં શોધતાં
છેક પહોંચી જવાયું છે ગોકુળમાં.
~ અરવિંદ ભટ્ટ
આખી રચના ખૂબ સરસ.
OP 29.4.22
આભાર
06-05-2022
આભાર મેવાડાજી
‘કાવ્યવિશ્વ’ની મુલાકાત લેનારા સૌ મિત્રોનો આભાર.
સાજ મેવાડા
30-04-2022
છેલ્લો શેર હાસિલે ગઝલ.