નરો વા કુંજરો વા!
મળે હર પ્રશ્નનો ઉત્તર નરો વા કુંજરો વા;
યુધિષ્ઠિર આજ પણ હાજ૨? નરો વા કુંજરો વા.
ફરી શું યુદ્ધની સંભાવના ચારેતરફ છે?
જરા બસ ફેંકતા કંક૨? નરો વા કુંજરો વા.
ક્ષણો જો એકસરખો વેશ વ્હેરી નીકળે છે
અને એ વેશની ભીત૨? નરો વા કુંજરો વા.
યુગોથી એક જણ ખુદનો જ પડછાયો પકડતો,
અડોઅડ ને છતાં અંતર? નરો વા કુંજરો વા.
સડકના સખ્ત ભરડામાં મરે સહુ માણસો લ્યો,
સડક નામે હશે અજગર? નરો વા કુંજરો વા.
~ જાતુષ જોશી
‘નરો વા કુંજરો વા’ મહાભારતને યાદ કરાવતો આ પ્રયોગ આજના સમાજ પર કટાક્ષ ઝીંકે છે, માણસોની વૃત્તિને ઉઘાડી પાડે છે. ચિંતનાત્મક ચોથા શેરમાં ઘણું ગર્ભિત રીતે કહેવાયું છે.
નરો વા કુંજરો વા… વાહ
નરો વા કુંજર,,, વા છતા યુધિષ્ઠિર નુ અર્ધસત્ય દુશ્મન ને પણ માન્ય છે કવિ શ્રી ને ખુબ ખુબ અભિનંદન
મહાભારતની સુક્તિને સામ્પ્રત સાથે કવિ પ્રયોજી શક્યા છે અભિનંદન.
ખરેખર રદીફ સરસ અર્થસભર નિભાવ્યો છે.