થઈ અજાણી શહેરમાં આવ્યા પછીથી મા
આઠ આનાની ચબરખીમાં જ મળતી મા.
હાથને ચૂમી ભર્યાનો થઈ ગયો અનુભવ
સાવ કોરી પાટીમાં જ્યાં સ્હેજ ઘૂંટી મા.
શ્વાસ મારા એમ કૈં અમથા વધ્યા છે ક્યાં?
રોજ ખરચાતી રહી છે થોડી થોડી મા.
આ વખત વરસો પછી હું જઈ રહ્યો છું ગામ
આ વખત થાકી જવાનો હું ય શોધી મા.
આજ હું ‘બેદિલ’ રડ્યો ત્યારે થઈ છે જાણ
ખૂબ ભીંજાતી હતી મારામાં કોરી મા.
~ અશોક ચાવડા ‘બેદિલ’
વાહ
સુંદર રચના
સુંદર સંકલન
વાહ સરસ મજાની રચના માં તો માં છે ખુબ ખુબ અભિનંદન
ખૂબ જ સરસ અભિવ્યક્તિ.
ખૂબ સુંદર ગઝલ!