ઉષા શાહ ~ હું નદીની

હું નદીની જેમ વ્હેવાની નથી,
ને ગગન ઓઢીને રહેવાની નથી.

આંખમાં ભીનાશ જેવું કંઈક છે,
પણ તમારું નામ લેવાની નથી.

સ્વપ્ન આ થીજે, નયન રીઝે તો શું ?
ચંદ્ર ! તારી રંગતો છાની નથી.

એષણાની આંખ વનમાં તગતગે,
રાહબર છે સાથ, ડરવાની નથી.

રેતમાં ત્રોફેલ તારું નામ છે,
પણ પવનને કૈં જ કહેવાની નથી.

~ ઉષા શાહ

શરૂઆત જ બતાને છે, ‘હું નદીની જેમ વહેવાની નથી…. ‘ પ્રેમ કરું છું ને તોયે ખુમારી તો રહેવાની જ….

‘તમારું નામ લેવાની નથી’ – યાદ આવે ‘હવે સખી નહીં બોલું ….’ પ્રેમ છે, યાદમાં આંખ ભીની પણ થાય છે… તો યે…

અને છેલ્લો શેર ક્યા બાત, ક્યા બાત !

OP 7.6.22

આભાર

11-06-2022

આભાર છબીલભાઈ.

‘કાવ્યવિશ્વ’ના સૌ મિત્રોનો આભાર

છબીલભાઈ ત્રિવેદી

07-06-2022

આજની ઉષાશાહ ની રચના ખુબ સરસ બધા શેર કાબીલે દાદ પ્રેમ મા ખુમારી તો હોવાનીજ વાહ ખુબ સરસ આભાર લતાબેન