કંચન અમીન ~ મજાના શેર

કંચન અમીનના  થોડાક શેર

કેટલો નક્કર સખત અંધાર છે !

તેજનું ત્યાં તીર અટકી જાય છે. ***

તરતી સરતી શ્વાસોની વિખરાતી ઝળહળ

છે આંસુ જેવુ આંખોનું આંજણ જો. ***

મર્મ છે આગળ ગહન જે તાગવાનો હોય છે

સાવ કોરો એક કાગળ વાંચવાનો હોય છે. ***

ડંખો  દેવાનું તો અકસર સૌને ગમતું

ડંખીલા ઘા ચૂસે એવી સમજણ ક્યાં છે ? ***

આંખમાં ઝળહળ અમસ્તો નીકળે

જેમ ચાલો તેમ રસ્તો નીકળે. *** 

‘ગગનચુંબી ઈશારો’ ગઝલ સંગ્રહમાંથી થોડાક શેર

જગત જેવું છે તેવું, તેં હજી જોયું નથી બંદા

વહ્યા કરતો કિનારો છે, કશું ક્યાં હોય છે કાયમ ? ***

રૂપ અરૂપ સ્વરૂપ કબીરા

આતમ ઊંડો કૂપ કબીરા. ***

પવનથી ઝૂલતી શાખા નિરંતર ઘૂંટતી ઝળહળ

હજી બારાખડી જેવો સહજ કિલકાર છે કેવો ? ***

કંઇ યુગોથી સાવ એ તો છે ઊઘાડાં

આ ટકોરા કોણ મારે બારણાં પર ? ***

યાદના પડઘા પડે છે રાતદિન

બોલ ઝીણા મોરના ગાયા કરે. ***

~ કંચન અમીન

કવિ કંચન અમીન એમના કાવ્યસંગ્રહ ‘દિલ્લગી’ અને ‘ગગનચુંબી ઈશારો’ લઈને આવ્યા છે. ‘કાવ્યવિશ્વ’માં સ્વાગત છે. આભાર કવિ

કંચન અમીન * ‘દિલ્લગી’ * સાયુજ્ય 2021

કંચન અમીન * ‘ગગનચુંબી ઈશારો’ * સાયુજ્ય 2022 

OP 21.4.22

***

છબીલભાઇ ત્રિવેદી

21-04-2022

કવિ કંચન અમીન ના કાવ્યો ખુબ સરસ નવા નવા કવિ ઓ આપણા કાવ્યવિશ્ર્વ મા પોતાની રચના ઓ મોકલે છે અેટલે વિવિધતા સભર કાવ્યો માણવા મળે છે તેનો ખુબ આનંદ છે આભાર