પીડા કંઇ અવતારી ન્હોતી
ને એથી ગણકારી ન્હોતી.
મારું પણ દુર્ભાગ્ય હતું કે,
સામા ઘરને બારી ન્હોતી.
બદલામાં કંઈ પણ લીધું નૈ,
મારી મા વેપારી ન્હોતી.
ક્યાંથી ઊગી‘તી ઈચ્છાઓ,
દિલમાં એક્કે ક્યારી ન્હોતી.
ક્યાંક થશે હાવી મારા પર,
યાદ કદી લલકારી ન્હોતી.
દર્દ, ગઝલમાં બદલી દેવા,
આગ હૃદયની ઠારી ન્હોતી.
એને ખુશ કરવા મેં કબૂલી,
હાર ‘કમલ‘ અણધારી ન્હોતી.
~ કમલ પાલનપુરી
ટૂંકી બહરના, ગમી જાય એવા મજાના શેર
Sama Ghar ne bari nhoti વાહ saras
ખૂબ ખૂબ આભાર
સકળ શેર ખૂબ સરસ છે.
ખૂબ ખૂબ આભાર
વાહ, સરસ શેરની ગઝલ.
ખૂબ ખૂબ આભાર
કાવ્યવિશ્વ એડમીન અને પરિવારનો મારી રચના પસંદ કરવા બદલ ખૂબ ખૂબ આભાર માનું છું.
આનંદ આનંદ
બધાજ શેર ખુબ ગમ્યા અભિનંદન
આપનો ખૂબ ખૂબ આભાર
🙏🙏🙏
કમલ પાલનપુરીની આ કવિતા હળવા હાથે આપણને ભૌતિક વિશ્વમાંથી ઊંચે ઊંચકી લે છે.