સાંઈ
કારણ વિના રિસાઈ ચાહું મનાવ સાંઈ.
વાસીને દ્વાર બેઠાં ખોલીને આવ સાંઈ.
ભાંગી કરી ને ભુક્કો પાછો દે ઘાટ નૂતન,
તુજને સદા ગમીએ એવો ઘડાવ સાંઈ.
બોલે તું સાંભળું હું, બોલું હું સાંભળે તું,
તારા વિના છે સૂની મહેફિલ સજાવ સાંઈ.
અરજી નથી લગાવી તારી ય છે આ મરજી,
લાગી છે લેહ(લે) લગન ને લાગ્યો લગાવ સાંઈ.
ક્યારેક જાણીબૂઝી લપસી જવાય ખાડે,
આપીને હાથ તારો ઊપર ઉઠાવ સાંઈ.
ભૂલા પડી જઈએ માયુસ કદી થઈએ,
આધાર એક તારો, જુસ્સો જગાવ સાંઈ.
સૂરજ ન અસ્ત પામે એવે મલક લઈ જા,
તારી ફરજ બને છે રસ્તો બતાવ સાંઈ.
~ કવિતા શાહ
સ્ત્રીની સનાતન આરત
વાત થઈ શકે
તારા દરેક પ્રશ્ન ઉપર વાત થઈ શકે.
બોલે કશું તો અર્થ ઉપર વાત થઈ શકે.
એક્કેય શબ્દ સત્ય ઉપર કહી નહીં શકાય,
તું જો કહે અસત્ય ઉપર વાત થઈ શકે.
હું છું વજૂદ બેઉ કિનારા વચાળનું,
તટ પર રહીને તથ્ય ઉપર વાત થઈ શકે?
વિતર્ક હોય તો જ ઊહાપોહ થઈ શકે,
આ તો છે તર્ક, તર્ક ઉપર વાત થઈ શકે.
હું જાણું છું અપથ્ય તને નહીં પચે કદાચ,
ને એટલે જ પથ્ય ઉપર વાત થઈ શકે.
વાણીમાં ઓતપ્રોત હતી આજકાલ તે,
થઈ છે નદી ક્યાં લુપ્ત ઉપર વાત થઈ શકે ?
~ કવિતા શાહ
બન્ને ગઝલ સંવેદનશીલ છે.
બંને રચનાઓ ભાવાભિવ્યક્તિની દૃષ્ટિએ સરસ છે. અભિનંદન.
❤️
ખૂબ આભાર પ્રેમ લતાબેન હિરાણી
આનંદ આનંદ
વાહ, બંને ગઝલો ‘કાબિલે દાદ’ અભિનંદન.
ગમી જાય તેવી ગઝલો
વાહ ખુબ સરસ રચનાઓ અભિનંદન
ઊપરના સૌ રસિકો સાથે સહમત સો ટકા,
બન્ને ગઝલો સરસ છે