ભવ્યતા લાગે ભયાનક
ભવ્યતા લાગે ભયાનક શક્ય છે
શક્યતા સામે પરાજય શક્ય છે.
સ્પષ્ટતા કરવી ઘણીએ હોય પણ
સાવ થઈ જાઓ અવાચક શક્ય છે.
પ્રેમની પેચીદગીને તો જુઓ
કારણો એના અકારણ શક્ય છે.
ખુશ છે ભૂલી જઈને એ બધું
ઢોંગ કરતા હો મહાશય શક્ય છે…
બોલવાની રીત બદલે અર્થને
શબ્દમાં ના હો તફાવત શકય છે.
માર્ગમાં છુટ્ટા પડેલાં હોય જે
તે મળે સામે અચાનક શક્ય છે.
જિંદગીભર માનતા હો જે ગલત,
અંતમાં લાગે બરાબર શક્ય છે.
~ કવિ રાવલ
એક તેજસ્વી કલમ.
મત્લાનો શેર નક્કર વાસ્તવિકતાથી ભરપૂર અને છેલ્લો શેર એક ઊંડી સમજણથી છલોછલ !
વચ્ચેના શેર પણ સરસ.
OP 7.4.22
આભાર
09-04-2022
આભાર મેવાડાજી, છબીલભાઈ
‘કાવ્યવિશ્વ’ની મુલાકાત લેનાર સૌ મિત્રોનો આભાર.
છબીલભાઈ ત્રિવેદી
08-04-2022
જિંદગી ભર માનતા હો જે ગલત અંતે લાગે અે ખરુ શક્ય છે વાહ કવિ રાવલ ની સરસ મજાની રચના ખુબ ખુબ અભિનંદન
સાજ મેવાડા
07-04-2022
ખૂબ સરસ ગઝલ, બધાજ શેર કાબિલે દાદ.