નથી
શરૂથી કહું છું હારવું નથી
ને તારી સામે જીતવું નથી
વિચારવાની વાત એ છે કે
હવે કશું વિચારવું નથી
નયન થયાં હઠીલા,ને નજર!
નજરને કાંઈ તાકવું નથી!
અવરની કાંઈ પણ તમા ક્યાં છે!
છે મારું એ ય રાખવું નથી
ચિરંજીવી થજો તમે બધાં
શતાયુ મારે માગવુ નથી
પૂછે છે શ્વાસ ઉચ્છવાસ એમ
પ્રભાત કેમ લાવવું નથી !?
સૂનું થઈ જશે આ પાંજરું
ને એટલે જ જાગવું નથી
~ કાજલ કાંજિયા ‘ફિઝા‘
નહીં
ધારો એવું કંઇ થાય નહીં
એ અણધાર્યું કહેવાય નહીં
પાષાણ હશે એ ક્ષણ ; જ્યારે
પાણી,આંસું પરખાય નહીં
સૂરજ સામે રાખો વાદળ
તો કંઈ સંધ્યા થઈ જાય નહીં!
સામે છે સુંદરતાનો તાજ
શું મારે એ પહેરાય નહીં!
છે સુખ તારાય વગર એવું
નાટક ઝાઝું ભજવાય નહીં.
~ કાજલ કાંજિયા ‘ફિઝા’
મારી ગઝલને આપની વેબસાઈટ કાવ્યવિશ્વમાં સ્થાન આપવા બદલ
કાવ્યવિશ્વની પૂરી ટીમ અને આપની ખૂબ ખૂબ આભારી છું🙏❤️
બંને ગઝલ સરસ રચાઈ છે.અભિનંદન.
આનંદ આનંદ
ખુબ સરસ બન્ને રચનાઓ ખુબ ગમી
બંને ગઝલ સરસ સરસ.
ગઝલો સુંદર છે
Wah wah👌👌👌❤️❤️❤️
👌👌
સરસ ગઝલો …