ઘર ન જાણે ~ ગાયત્રી ભટ્ટ
ઘર ન જાણે એવું કંઇ કરતી અગાસી
ચાંદ પર ચોરી-છૂપી મરતી અગાસી
સાંજ થતાં રોજ નીરખતી અગાસી
ને સૂરજના તેજથી ડારતી અગાસી
તારલાઓ રાતભર ગણાતી અગાસી
ને સવારે ફૂલ શી ખરતી અગાસી
દેખ કેવાં ફૂલ બેઠાં વેલ પર આ
દૃશ્ય ભીનાં આંખમાં ભરતી અગાસી
હોઠ પર જ્યારે ગઝલ હોઠો લખે છે
લાગતી ત્યારે તો મધઝરતી અગાસી
એકલી છું હું અને આ ઓરડો છે
ઓરડામાં ડોકિયાં કરતી અગાસી
~ ગાયત્રી ભટ્ટ
અગાસી પણ આવી મધુર શીતળ ભીનાશ આપતી ગઝલ આપનાર ગાયત્રીબહેનને જન્મદિવસે અઢળક શુભકામનાઓ.
OP 27.4.22
આભાર
06-05-2022
આભાર છબીલભાઈ અને મેવાડાજી
‘કાવ્યવિશ્વ’ની મુલાકાત લેનારા સૌ મિત્રોનો આભાર.
સાજ મેવાડા
28-04-2022
શુભેચ્છાઓ. સરસ ગઝલ.
છબીલભાઈ ત્રિવેદી
28-04-2022
કવિયત્રી ગાયત્રી ભટ્ટ ની રચના અગાશી ખુબ સરસ જન્મદિવસ ની શુભ કામના સરસ કાવ્યો આપે પ્રવાસ મા હોવા છતા મુકયા છે આભાર લતાબેન