સૂર્ય ઊગે છે
સૂર્ય ઊગે છે, આથમે છે પણ
આ ક્ષણોની રમત ગમે છે પણ
આ તડપ જંપવા નથી દેતી
દર્દ પીડે અને શમે છે પણ
કેન્દ્રમાં કોઇ સ્થિર ઊભું છ
ચોતરફ એ વળી ભમે છે પણ
દોડવાનું ઇનામ તો જીત્યા
પીઠ પર સોળ ચમચમે છે પણ
મૌન બેસું ‘દિના’ લઇ તસ્બીહ
નામ તારું સતત રમે છે…
~ ડો. દિના શાહ
જીવન આ ‘પણ’થી જ ભર્યું છે એમ નથી લાગતું ? એટલે જ બધી મુસીબતો ને એટલે જ બધા ગૂંચવાડા ! જો ‘પણ’ નીકળી જાય તો રસ્તો સાફ દેખાય. જે પણ કરવું હોય એ કોઈ અવઢવ વગર કરી શકાય અને તો કેટલી હાશ અનુભવાય !
ડો. દીના શાહના કાવ્યસંગ્રહો (3)
1. આયના ટોળે વળ્યા 2. ટહુકાનું સરનામું 3. તસ્બીહ
આભાર આભાર.
OP 5.3.22
આભાર
06-03-2022
આભાર છબીલભાઈ, મેવાડાજી …
‘કાવ્યવિશ્વ’ની મુલાકાત લેનારા સૌ મિત્રોનો આભાર.
છબીલભાઇ ત્રિવેદી
06-03-2022
ડો, દિના શાહ નુ કાવ્ય ખુબજ ગમ્યું પણ શબ્દ છે અેટલે જીવન છે આ તકે મનોજ ખંઢેરીયા યાદ આવે અેમ પણ બને .
સાજ મેવાડા
05-03-2022
આદરણીય કવિયત્રી દીના જીની આ ગઝલ પણ પણ કરતા જિંદગીની કસ્મકસ રજૂ કરે છે. ખૂબ સરસ અભિવ્યક્તિ.