અવડું અમથું ગીત
અવડી અમથી વાત !
જેને કારણ હાથવેંતથી સરકી ગયું પ્રભાત !
અવડી અમથી વાત !
અવડી અમથી વાતની વચ્ચે અવડાં અમથા અમે,
હાલકડોલક નાવની વચ્ચે પ્રવાસ કરવો ગમે !
દરિયા વચ્ચે દરિયા જેવી પડી ગઈ’તી રાત !
અવડી અમથી વાત !
એક વખત જળ અંધારું તો એક વખત અજવાળું !
સૂરજ સામે કાચ ધરું તો ચાંદરડાનું ચાળું !
ચાળે ચડતાં ચાંદરડાની જઈ રહી છે ઘાત !
બસ , અવડી અમથી વાત !
~ પ્રફુલ પંડ્યા
સરસ મજાની રચના વાંચી મજા પડી ગઈ અને એટલે જ આપ સૌ દોસ્તો, સ્નેહીઓ, પ્રેમીઓ પાસે ગમતાનો ગુલાલ કર્યો છે, આપને પણ ગમી જાય તો કવિ Praful Pandya ને કહેજો કે ગમ્યું, હો સાહેબ…..
હકીમ રંગવાલા
અમથી વાત એવી સરસ કરી કે મજા પડી ગઈ.
ખુબ ખુબ ગમ્યુ કવિ શ્રી ન અભિનંદન
ખૂબ ખૂબ સરસ રચના… મમળાવી ગમે એવી રચના છે.
અભિનંદન…
બહુ જ સુંદર ગીત રચના પ્રફુલ્લ ભાઈ ને ખુબ ખુબ અભિનંદન આખું ગીત લયના ધીમા હિંચોળે હીંચે છે.વાહ
થોડા શબ્દો માં મજા નું ગીત.
ગમ્યું. ખૂબ ગમી આવડી અમથી વાત
સરસ રચના ધન્યવાદ
સરસ ગીત
‘આવડી અમથી વાત’ હિંડોળે ઝૂલતા ગવાતી હોય એવું લાગ્યું.
બહુ જ સુંદર ગીત રચના
‘કાવ્યવિશ્વ’ની મુલાકાત લેવા બદલ આભાર છબીલભાઈ, મેવાડાજી, હરીશભાઈ, જ્યોતિબેન, મીનલબેન, ઉમેશભાઈ, સતીશભાઈ, કીર્તિભાઈ, અનામીભાઈ