ચંદુ તો
ચંદુ તો એક લાંબા લયનું ગીત
જિન્સ જંકશન ઉપર એનું વાગ્યાં કરે સંગીત !
ખૂબ નજીકથી હ્રદય રમાડે, કરે શબ્દોનાં ખેલ !
અર્થનું નકશીકામ કરે ને લયનું કાઢે તેલ !
સડસડાટ એ રજૂ કરે એની છાપ થઈ જાય અંકિત !
ચંદુ તો એક લાંબા લયનું ગીત !
એક શ્વાસમાં કવિતા રાખે,એક શ્વાસમાં નાટક ,
કલમ તો એની પૂરબહારમાં, ખોલે દિલના ફાટક!
નવાં નવાં નાટકની વચ્ચે સદા શબ્દની પ્રીત !
ચંદુ તો એક લાંબા લયનું ગીત !
~ પ્રફુલ્લ પંડ્યા
(પ્રિય અને નિકટતમ મિત્ર કવિ – નાટયકાર ચંદ્રકાંત શાહ ઉર્ફે વ્હાલાં ચંદુની આક્સ્મિક અને અને અત્યંત આધાતજનક વિદાય નિમિત્તે કાવ્યાંજલિ )
( ૪/૧૧/૨૦૨૩ )
મિત્ર ને કાવ્યાંજલિ, સરસ પાત્રા લેખન.
સરસ કાવ્યાજંલી
હાર્દિક આભાર ડિયર લતાબેન
ખૂબ ગમ્યું