પૂછાતું નથી ~ ભારતી ગડા
યંત્ર છે કે માનવી, બસ એ જ સમજાતું નથી;
બેઉમાંથી એકનું પણ ચિત્ર દોરાતું નથી.
દોડવાનું, ભાગવાનું, હાંફવાનું છે સતત;
કોઈને પણ ‘કેમ છો’ એવુંય પૂછાતું નથી.
કેટલો ઘોંઘાટ કોલાહલ ભરેલું શહેર છે
ચોતરફ બસ ભીડ છે સામું ય જોવાતું નથી.
રાત દી ત્યાં લાલ લીલી લાઈટો ઝબક્યા કરે,
જલકમલવત્ સૌ, હ્દય જેવું ય દેખાતું નથી.
બસ ખરીદી લો હવા પાણીને સાથે પ્રેમ પણ
આંખમાં આંસુ ઠરે છે બહાર ઉભરાતું નથી.
~ ભારતી ગડા
આજની પરિસ્થિતિ અને સંવેદના…..
ચિત્ર દોરાતું નથી… સરસ કાવ્ય
મત્લાનો શેર વધુ ગમ્યો..
ભારતીબેન ગડાને અભિનંદન
દોડતા રહેલા માનવસમાજ પર લક્ષ્ય કરીને પરિસ્થિતિ-દર્શન કરાવતી કવિતા
ભારતી ગડા, એકદમ સાચુકલું કાવ્ય…. અભિનંદન. એકદમ હટકે પસંદ કરેલાં કાવ્યો લઈને રોજ લતાબેન મોજ કરાવી દે છે… વાહ વાહ 💐💐💐
આભાર રેખાબેન
ખુબ સરસ કાવ્ય ખુબ ખુબ અભિનંદન
નગર સંવેદના ગઝલોમાં નવો ઉમેરો થયો. ખૂબ સરસ.
કેટલાંક નગરકાવ્યોમાં આ એક સરસ કાવ્ય ઉમેરાયાનો આનંદ છે. હા, ગઝલમાં લખાયેલી કૃતિ વધુ વંચાશે એ નક્કી! અભિનંદન.
નબળી રચના… મત્લામાં શેર બને છે ખરો?