*ચાલી જાય છે*
દોડતી ને દોડતી પૂરપાટ ચાલી જાય છે
કોણ જાણે ક્યાં સુધી આ વાટ ચાલી જાય છે
ઘેલછા કેવી હશે દરિયાને મળવાની જુઓ
આ નદી સૂના મૂકીને ઘાટ ચાલી જાય છે
જિંદગીની આ રમત કેવી કે રમતા માણસો
અધવચાટે મેલીને ચોપાટ ચાલી જાય છે
લાગણીની તીવ્રતાને કોઈ ના રોકી શકે
કોઈ સેના જાણે કે રણવાટ ચાલી જાય છે
બે ઘડી વરસાદનાં ધરતી ઉપર ફોરાં પડયાં
એટલામાં કેટલો તલસાટ ચાલી જાય છે
~ યામિની ગૌરાંગ વ્યાસ
દરેક શેરમાં એક સ્ત્રીની સુગંધ મહેકે છે.
@@
Pingback: 🍀3 જુલાઇ અંક 3-1201🍀 - Kavyavishva.com
વાહ સકળ શે’ર હ્રદયગમ્ય છે.
વાહ ખુબ સરસ રચના ખુબ ગમી અભિનંદન
સાદી,સરળ, સરસ રચના.
ખૂબ જ સરસ ગઝલાભિવ્યક્તિ.
સરસ રચના.
મસ્ત ગઝલ, વાહ
ચાલી જાય છે- દોડી જતી જિંદગીની જેમ જ સરળ સહજ ગતિશીલ ગઝલ