આંગળીના ટેરવે ~ રન્નાદે શાહ
આંગળીના ટેરવે ક્યાંથી મળે જળનું ટીપું ?
સ્પર્શ ભીનાં ઝળહળે છે, ઝળહળે જળનું ટીપું.
છીપ પણ અકબંધ રાખી, સાચવો શમણું હજી
ખોલશો ના, તોડશો ના, ટળવળે જળનું ટીપું.
આંખની બારી ઉઘાડી કોણ આ ઊડી ગયું ?
ઝૂરતા એકાંતને ક્યાં સાંકળે જળનું ટીપું ?
ડાળથી છુટ્ટા પડેલા પાંદડાઓ ક્યાં ગયા ?
પીલચટ્ટી ધૂળમાં આ ટળવળે જળનું ટીપું.
સાવ સૂના ઓરડાને સાચવી ઘર ઊંઘતું
આંગણે આકાશ ઊભું, નેવલે જળનું ટીપું.
~ રન્નાદે શાહ
આંખના ઝળહળતા આંસુની કથા. આંગળીના ટેરવાની ભીનાશમાં સ્પર્શની કુમાશ સમાવતા આંસુઓની કથા. આંખની છીપમાં સંતાયેલા મોતી જેવા શમણાને સીંચતા આંસુઓની કથા ! આ શમણું તોડાય ના… પીળચટ્ટી ધૂળમાં આ ટીપાં રગદોળાય ના…. વાહ કવિ !
OP 2.9.22
આભાર
04-09-2022
આભાર મેવાડાજી, છબીલભાઈ
‘કાવ્યવિશ્વ’ની મુલાકાત લેવા બદલ સૌ મિત્રોનો આભાર.
Saaj Mevada
02-09-2022
Wah, v nice
છબીલભાઈ ત્રિવેદી
02-09-2022
ખુબ સરસ રચના આભાર લતાબેન