🥀🥀
*ચકલીએ ખોલી નિશાળ*
ચકલીએ ખોલી નિશાળ
આમ તેમ જોતાં ગમી ગયું એને આભલું આખું વિશાળ
એક ચકલીએ ખોલી નિશાળ…….
સૂરજ ને ચાંદાની ટાંગી ઘડિયાળો ને
વાદળને રોક્યા છે ઘંટે
ટનટન વગાડે એ સાંજે સવારે ને
મોરલિયા બેસાડયા ઝંડે
આવે ને જાય ઓલા પંખીડા હરખાતાં
બેસી પવંનની પાળ
એક ચકલીએ ખોલી નિશાળ…….
ઝાડ બધાં ઊભાં છે ટીચર બનીને
ફૂલડાંઓ ગીતો રે ગાતાં
પહેલા જ પિરિયડમાં પંખીઓ આવીને
કલકલિયા ઝરણાંમાં ન્હાતા
હોમવર્ક રોજનું આટલું જ હોય કે
ટહૂકાથી છલકાવો ડાળ
એક ચકલીએ ખોલી નિશાળ…….
~ લતા હિરાણી
😄👌
આભારી છું કીર્તિભાઈ
વાહ સરસ રચના..
જન્મ દિવસની શુભેચ્છા.
આભારી છું ઉમેશભાઈ
આદર્શ શાળાનો નકશો દોરી આપ્યો.ખૂબ સરસ.
આભારી છું સત્યમુનિજી
કવિએ બાળજગતને શિક્ષણજગત સાથે સરસ જોડી આપ્યું છે. અભિનંદન.
આભારી છું મીનલબેન
ખુબ સરસ રચના ખુબ ગમી અભિનંદન કાવ્ય વિશ્વ
આભારી છું છબીલભાઈ
વાહ, ચકલીની નિશાળે તો મન મોહી લીધું.
આભારી છું મેવાડાજી
મને પંખી બનીને ચકલીની નિશાળમાં જવાનું મન થઈ ગયું!
ચલો, આપણે બેય જોડીદાર…..
લતાબેન, જન્મદિવસની શુભેચ્છાઓ. સુંદર કાવ્યમય જીવન કાયમ રહે,
સસ્નેહ, સરયૂ.
આભારી છું સરયૂબેન
લતાબહેનને જ.દિ. ની શુભેચ્છાઓ ને સાત સાત પુસ્તકોના પ્રકાશન માટે અભિનંદન.
ચકલીની કવિતા કલ્પનાની પાંખે બાળકને બેસાડી વિહાર કરાવે છે.
આભારી છું મીનલબેન
ચકલીએ ખોલી નિશાળ – ગીત સરસ છે લતાબહેન.
આભાર અને વંદન મનોહરભાઈ
આજે ચકલીની નિશાળ..બાળગીત સરસ હતું.ગમ્યું..ધન્યવાદ.
આભારી છું દિલીપભાઈ
વાહ વાહ ચકલીએ ખોલી નિશાળ મસ્ત મસ્ત
આભાર સરલાબેન
– લતા હિરાણી
મસ્ત મસ્ત રચના…..ખૂબ જ ગમી ગઈ…મારી દોહિત્રી ને સંભળાવી તો એને પણ મજા પડી ગઈ…. Thank U Lataben
આભાર રૂપલબેન
કંઠે બેસી જાય ને બાળકોને ગાવાની મજા પડે એવું મજાનું ગીત.
સરસ બાળગીત છે.બાળમિત્રોને સાંભળતા જ ગમી જાય એવું ગીત છે. વાહ લતાબેન
હોમવર્કની हृद्य વ્યાખ્યા
તમારું કાવ્ય એકદમ મજાનું છે,
સરળ અને પ્રતિમાયુક્ત.
મજા આવી
અપ્રતિમ… અભિનંદન…સારું છે કે ચકલી નાં શબ્દકોશમાં ડોનેશન… લૂંટ..જેવા શબ્દો નથી…!!!
ખૂબ સુંદર.. થોડું હજૂ લાંબુ હોત તો વાંચ્યા જ કરીએ…એમ થયું..
બાળગીત સારું બન્યું છે અભિનંદન