🌸
મતગીત
મતદાર હવે તારો વારો
આ લોકશાહીનો છે ધારો
તું જાગ હવે તો જયવારો
ને જાગ તો જ હો જયવારો…
હો ચારેકોર ભલે જાળો
મત ને મતાંતર ના ભાળો !
તું સજ્જ થઈ નીકળે બા’રો
ને જાગ તો જ હો જયવારો…
આ દેશ આપણો, રાજ વળી
દઈને મત, જા પરભાત ભણી
ભારત નામે સૌ લલકારો
ને જાગ તો જ હો જયવારો…
રાજા છો તું, તું છે પ્રજા
મતદાન કરી, દે અજવાળા
આ રાજમાર્ગ તારો મારો
ને જાગ તો જ હો જયવારો…
~ લતા હિરાણી
હરદ્વાર ગોસ્વામીની કૉલમ ‘કાવ્યાયન’ @ દિવ્ય ભાસ્કર @ 16.4.24
આપ નીચેની લિન્ક પર મારી વાર્તા વાંચી શકો છો. આભાર.
પ્રાસંગિક રચના ખુબ સરસ ખુબ ગમી અભિનંદન કાવ્ય વિશ્વ
મતદારનો જય હો
ખૂબ સરસ સામ્પ્રત રચના