શ્યામલ મુનશી ~ સગાં જે આજે

સગાં જે આજે ~ ડો. શ્યામલ મુનશી 

સગાં જે આજે ‘સ્વ.’ છે એ બધા જયારે ‘શ્રી’ હતા,
યાદ કરો સાહેબ કે તેઓ તમારા જ દર્દી હતા;

ડ્રોઈંગરૂમમાં એમના ફોટા પર જે જે હાર લટકે છે,
આમ જોઈએ તો સાહેબ એ તમારી જ સારવાર લટકે છે;

ઘરની દરેક બીમારીમાં તમારો સાથ હોય જ છે,
કુટુંબના દરેક જનમ-મરણમાં તમારો હાથ હોય જ છે;

સાહેબ તમારા પાસે જે સારા મા સારી ગાડી છે,
એનું કારણ અમારા સૌ કુટુંબીજનોની નાડી છે;

તમારા ઘરના ફ્લોર પર જે જે આરસના ટાઈલ્સ છે,
તે અમારા ઘરના સ્ટોન, અપેન્ડીક્ષ અને પાઈલ્સ છે.

~ ડો. શ્યામલ મુન્શી

આજે ડોક્ટર્સ ડે પર આ કાવ્ય તમામ તબીબોને અર્પણ

OP 1.7.22

***

સાજ મેવાડા

01-07-2022

ખૂબ જ જાણીતું ગીત છે, ડોકટર પણ પોતાની જાત ઉપર હસી શકે છે.

કિશોર બારોટ

01-07-2022

ઉપરોક્ત કાવ્ય યુનુસ લોહીયાનું નથી પણ શ્યામલ મુન્શીના એક દીર્ઘ કાવ્યનો અંશ છે.

છબીલભાઈ આ

01-07-2022

પ્રસંગોચિત સરસ કાવ્ય આવા વિવિધતા સભર કાવ્યો નો રસથાળ અેટલે આપણુ કાવ્યવિશ્ર્વ આભાર લતાબેન