એક ઝરણાને બાંધ્યું મેં બેડીએ..
રોમ રોમ ફરકે, થૈ ડાળ ડાળ થરકે, કૈં ઝાલ્યું ઝલાય નહીં કેડીએ..
હળવેથી પાલવની કોર સહેજ ભીંજવી ને જાગી ભીનાશ જીવ સોંસરી
એક એક ચાંચ દીઠ એક એક ટહુકાને બોળવાની બીક ગઈ ઓસરી
પછી રમતું મૂક્યું મેં મારી મેડીએ..
સૂરજ ઊગે ને મારી પાનીએ લાલઘૂમ શમણું બનીને રોજ નીતરે
હળુંહળું પગલે હું ચાલું તો ઠેરઠેર શરમાતાં મેઘધનુ વીખરે
એને આખો દી’ કેમ કરી છેડીએ?….
~ સુરેન્દ્ર કડિયા
આમ તો કવિ સુરેન્દ્ર કડિયા ગઝલ માટે જાણીતું નામ છે પરંતુ આ એમનું ગીત …. કેવું મજાનું !!
ઝરણું શાનું પ્રતીક છે એ કવિતાના રસિયા તરત પામી જ જાય….
વાહ સરસ મજાનું ગીત ઝરણા ની ઉપમા દ્નારા કવિ દિલ ની વાત કરી દયે છે કવિ શ્રી ને અભિનંદન
એક ઝરણાંને બાંધ્યું મેં બેદીએ.. વાહ.. ખૂબ સરસ ગીત
ઝરણાને બાંધ્યુ મેં બેડીએ……..અર્થઘન ગીત છે. પ્રતીક ઉકેલવાની મથામણ કરીએ તો ભલે પણ ન ઉકલે તો ય મધુર લાગે એવું સુંદર.
વાહ, કવિએ ઝરણાના મસે ઘણું કહી દીધું.
વારંવાર ગાઈ શકાય એવું મજાનું ગીત.
બહુ સરસ મજા પડી કવિ
વાહ વાહ વાહ
સરસ ગીત
મજા આવી ગઈ
મજ્જાનું ગીત.