🌹દિનવિશેષ 11 માર્ચ🌹    

કેટલીક આશાઓ નઠારી છે
એટલે જ ઇચ્છાઓ બિચારી છે

હાથ એ મુસીબતમાં નહીં પકડે
દોસ્ત નામની જ્ઞાતિ શિકારી છે

તું મને હવે ગમતી બની ગઇ છે
કેમ કે ગઝલ જેવી મઠારી છે

બુક કરાવી લે જલ્દી જગા તારી
સ્વર્ગમાં હવે બસ જુજ પથારી છે

આંખને ગમો છે ત્યાં જ સારા છો
દિલમાં રહેવા જોખમ બહુ જ ભારી છે

પાટ સાવ ખારો થઇ નદીઓ આજ
કેમ કે તરસ દરિયાની ઠારી છે

જીવ કેમ ચાલે દીકરી દેતાં?
એક બાપની બસ આ ખુમારી છે

તું છે તો મહોતરમા હું જીવું છું,
શ્વાસને જરૂરત રોજ તારી છે

~ નરેશ કે. ડોડીયા

🌹‘કાવ્યવિશ્વ’ની મુલાકાત લેવા બદલ આભાર🌹

www.kavyavishva.com

*કાવ્યવિશ્વ.કોમ * પ્રારંભ 9 ઓક્ટોબર 2020

*આપનો જન્મદિન આપની કાવ્યપંક્તિ સાથે ‘કાવ્યવિશ્વ’માં મુકાય છે ને? આપનું નામ ‘શોધો’માં લખવાથી એ તરત મળી જશે.

*જો ન હોય તો આપની ગમતી પંક્તિ સાથે મને જાણ કરશો? અહીં પ્રતિભાવમાં અથવા મને વોટ્સ એપ પર જાણ કરી શકો.

*આપના જન્મદિને આપની જે કાવ્યપંક્તિ મુકાય છે એ આપને બદલવી હોય તો પણ આમ જ મને જાણ કરી શકો.

*આ વિભાગ હવે ‘કાવ્યવિશ્વ’માં અલગ પેજ બનવાથી સચવાઈ રહે છે. આપ એને like, પ્રતિભાવી શકો છો. આભાર.

@@@@