સખી
તને હું જોઉં છું, ચંદા! કહે ! તે એ જુએ છે કે ?
અને આ આંખની માફક – કહે, તેની રુએ છે કે ?
અને તવ નેત્રમાં તે નેત્રનું પ્રતિબિંબ જોવાને
વખત હું ખોઉ તેવો શું – કહે, તે એ ખુએ છે કે ?
સખી ! હું તો તને જોતાં – અમે જોયેલ સાથે તે-
સ્મરંતાં ના શકું સૂઈ ! કહે, સાથી સુએ છે કે ?
સલૂણી સુંદરી ચંદા ! ધરી તવ સ્વચ્છ કિરણોમાં-
હૃદયનાં ધોઉં છું પડ હું ! કહે, તે એ ધુએ છે કે ?
~ કવિ ‘કાન્ત’ મણિશંકર રત્નશંકર ભટ્ટ
કવિ ‘કાન્ત’ ની આ રચના શાળાના સમયથી આજ સુધી આકર્ષતી રહી છે.
સર્વાંગ સુંદર રચના ખુબ ગમી
વાહ, કવિ કાન્ત ની સરસ rachna