વિષાદ
વૃક્ષ પર
કવિતા લખવાનું
માંડી વાળ્યું છે હવે મેં
કેમ કે જે વૃક્ષ પર
લખું છું
એના ઝરતાં પુષ્પોની
કવિતા,
થૈ જાય બીજે દિવસે
એનું છેદન !
કવિતાના આનંદ પર
ફરી વળે છે
વિષાદની છાયા.
વૃક્ષ પર કવિતા
લખવાનું
માંડી વાળ્યું છે હવે મેં.
~ પ્રવીણ ગઢવી
આમ તો કવિતા પૂરી થઈ જાય…. વૃક્ષના છેદન સાથે… શીર્ષક પણ કહી દે છે. પરંતુ કવિની પીડા એમને જંપવા નહીં દેતી હોય…. કલમ ચાલ્યા કરે છે….
રાજસ્થાન
નથી ત્યાં
પુષ્પો -પંખીઓ- લીલાંછમ વૃક્ષો કેવળ
આવળ-બાવળ, કેર ખેર ને બોરડી
સૂસવતું અફાટ રણ…
નાગાપૂંગા પ્હાડ…
એકલવાયું ભટકતું ઊંટ..
તેથી જ સ્તો
લોકે પાઘડી ને ચૂંદડીમાં
પૂર્યા લાલ-પીળા-લીલા રંગ!
લાગે
આખું રાજસ્થાન
જાણે હરતું ફરતું ગાતું નાચતું
ઉપવન !
~ પ્રવીણ ગઢવી
રાજસ્થાનના રંગો રમે છે કારણોની કવિતામાં….
સરસ અછાંદસ કાવ્યો
કવિ શ્રી ની ઉત્ક્રુષ્ટ બન્ને રચનાઓ ખુબ ગમી સાહેબ અમરેલી હતા ત્યારે રૂબરુ સાંભળવા નો લાભ મળેલો
કવિ શ્રી પ્રવિણ ગઢવી ની બંને કવિતા સામાન્ય અવલઓકનનએ સરસ વ્યક્ત કરે છે.