બબ્બે સૂર્ય
સવારે સૂર્ય તો ઊગ્યો હતો !
મેં આંખ ચોળી ભીંત પર જોયું
તમારાં ચિત્ર નીચે કાલનો દિવસ હતો !
દાયકાઓ વીતતાં શી વાર ?
પણ એ એક ક્ષણ કેવી રીતે વીતી હશે ?
જેમાં તમારાં શ્વાસની છેલ્લી ગતિ કંપી હશે !
તમને નહીં
એ એક ક્ષણને કેટલું વીત્યું હશે !
જેમાં તમારાં શ્વાસની છેલ્લી ગતિ કંપી હશે !
એ સાંજ પણ
ક્યાંથી હવે પાછી ફરે ક્યારેય
જેણે એકસાથે સૂર્ય બબ્બે આથમતા જોયા હશે !
બીજી સવારે સૂર્યમાં
એ સાંજનું એકાદું આંસુ
સ્તબ્ધ થઈને ઊગ્યું હશે ?
ને એ પછી ?
ને એ પછી ?
ને એ પછી ?
દાયકાઓ વીતતાં શી વાર ?
~ માધવ રામાનુજ
એ એક ક્ષણને કેટલું વીત્યું હશે ! – કલ્પના નથી થઈ શકતી…..
આજે પૂ. બાપુને કોટિ કોટિ વંદન, ક્ષમાયાચના સાથે
વાહ, ગાંધી બાપુ ને વંદન. કાવ્ય સરસ સાંકેતિક છે.
મહાત્મા ગાંધીજીની પૂણ્યતિથિએ સાદર સ્મરણ વંદના.
ગાંધી વંદના સરસ
Vaaah