ચૂંટેલા શેર
ધર્મનિષ્ઠા, કર્મનિષ્ઠા, સત્યનિષ્ઠા શું કરે !
જીવતર જાણે સજા, વિશ્વાસ જેનો તૂટે છે.*****
થોડું રોવાઈ જતે તો, આ હૃદય શૂળ ના થતે
લાજ ત્યાગી, આંખને વરસાવતાં શીખ્યો છું ક્યાં ?*****
પુરાણી યાદના જખ્મોનો પણ કરવો પડ્યો ઉપચાર
મને આ તારી આયોજિત સભામાં આવતાં પહેલાં*****
સૂર, લય કે તાલ જીવનનો એનો બગડે નહીં
જે મનોમન દિલથી ઈશ્વરગાન ગાતો હોય છે.*****
રોકે સમાજ, ધર્મ નહીંતર એ કહો
કોને નથી જગતમાં તમન્ના શરાબની!*****
હળવાશ ચહેરે કેવી છે! જાતે જ જોઈ લો
એકધારું છાનું ટળવળી, હમણાં જ સૂતો છે !*****
છાનુંછાનું રોજ તડપ્યાં, શું ભલા કિસ્મત હતી !
કેટલાંયે ઘર બદલ્યા, શું ભલા કિસ્મત હતી !*****
એકલા જાગવાથી કંઈ ન વળે
ભાગ્યને પણ જગાવવું પડશે.*****
ઝાંઝવા બોલી ઊઠ્યાં આવેશમાં
મીઠું જળ તો સાતે દરિયામાં નથી.*****
નભનો ઈશ્વર સાંભળે તો એ ક્ષણો ઉત્સવની છે
પ્રાર્થના દિલની ફળે તો એ ક્ષણો ઉત્સવની છે.*****
~ ગુલામ અબ્બાસ ‘નાશાદ’
કવિને પંચોતેરમા જન્મદિવસે આદરવંદન
‘વિચાર્યું પણ કદી નહોતું’ * ગુલામ અબ્બાસ ‘નાશાદ’ * સાયુજ્ય 2023
ગઝલસંગ્રહ મોકલવા બદલ આભાર. ‘કાવ્યવિશ્વ’ને આંગણે આપનું સ્વાગત છે.
સરસ કાવ્ય ખુબ ગમ્યુ
અભિનંદન…
બધાજ શેર માણવા લાયક
આભાર બેન
આનંદ આનંદ નાશાદજી
વાહ, આંખો સંગ્રહ ખૂબ જ સરસ છે. ચૂંટેલા શેર પણ. નમસ્કાર નાશાદ સાહેબને.
વાહહહહ…👏👏