ભારતી પ્રજાપતિ ~ મજાના શેર

‘સફેદ અંધારું’માંથી થોડીક પંક્તિઓ ~ ભારતી પ્રજાપતિ

કાંતે ના મન રેંટિયો થઈ કદી, ના એ વસંતો વણે

પંખીડા સતના મરે સરહદે, ગોળી ઉજાસો ચણે.**  

રંગભરી સંધ્યાને ખેરવી દે મારામાં

આભને સમેટીને સેરવી દે મારામાં. **

પૂછે સૌ આંખોના અજવાળાં જોઈ

અંધારી રાતને કેમ કરી ધોઈ ?**

મુઠ્ઠીભરી મેં વાવ્યો જે દિ’ ભીતર આગ ને તડકો

ઊગ્યો સૂરજ ધગધગતો ત્યાં લઈને તેજનો ભડકો. **

ટૂંકી વેંત પડે કલમોની, ‘જી હો જી’ના ગાણાં ગાવાં

બે-ત્રણ માનવમૂર્તિ થાપી, જાય નિરંતર જપતા જાવા.**

શ્વેતનો અનુવાદ જ્યાં કાળો થયો

કેમ ના ત્યાં કોઈ હોબાળો થયો ?**

દર્દના કંકાસમાં જો હો નવું કૈં તો કહો

રોજના આ પ્રાસમાં જો હો નવું કૈં તો કહો.**

~ ભારતી પ્રજાપતિ

“આ કાવ્યસંગ્રહ નહીં, સ્વપ્ન હતું મારું !” – ભારતી પ્રજાપતિ આ પ્રથમ કાવ્યસંગ્રહ ‘સફેદ અંધારું’માં ગઝલ, ગીત અને અછાંદસ કાવ્યો લઈને આવ્યા છે.

કવિને હૃદયથી અભિનંદન…. કલમમાં બળ પૂરાતું રહો…..

OP 25.6.22

***

ભારતી પ્રજાપતિ

01-07-2022

ખુબ ખુબ આભાર ,લતાબેન આપનો. ભાવપૂર્વક વંદન.

Jigna mehta

25-06-2022

Wah Abhinandan kavi ne

છબીલભાઈ ત્રિવેદી

25-06-2022

ખુબ ખુબ અભિનંદન સરસ મજાની રચના આભાર લતાબેન

દીપક વાલેરા

25-06-2022

અભિનંદન