મેં
તારી તરફ ખૂલતાં
બધાં જ દ્વાર બંધ કરી દીધા છે
અને મારી પાંખો કાપી નાખી છે.
પણ
આ હવાને શી રીતે રોકું
રખે ને એ બધી સીમાઓ ઓળંગી
મારી ગંધ તારા શ્વાસમાં ભરી દે તો ?!
શક્ય છે તું જાતને રોકી ન શકે
અને બંધ દ્વાર તોડી નાખે
કે પછી
અભેદ્ય દીવાલ ઓળંગી આવી ચડે !
તારી તરફ ડગ ન ભરવા
હું બંધાયેલી છું
પણ
તું તો આઝાદ… – ખ્યાતિ શાહ
પોતે ડગલું ભર્યા વગર પ્રિયતમને બોલાવવાની કેવી મજાની રીત ! સહજ, સરળ, હૃદયસ્પર્શી અને એક સ્ત્રી જ લખી શકે એવું કાવ્ય ! વાહ….
17.11.21
આભાર આપનો
23-11-2021
આભારી છું, છબીલભાઈ, વારીજભાઈ અને ‘કાવ્યવિશ્વ’ની મુલાકાત લેનારા સૌ મિત્રોની. આભાર આભાર.
Varij Luhar
18-11-2021
પણ…. તું તો આઝાદ… વાહ
છબીલભાઈ ત્રિવેદી
17-11-2021
આજનુ ખ્યાતી શાહ નુ કાવ્ય ખુબજ ગમ્યું આપની દરેક વ્યવસ્થા ખુબજ ઉમદા હોયછે આપ આટલી મહેનત થી બધુ મેનેજ કરો છો તે ધન્યવાદ ને પાત્ર છે આભાર લતાબેન