હોય જો હેમ તો તાપ ખમવો પડે
જેમ સોની કરે, ઘાટ ધરવો પડે. ***
જોઈ એને ઓ હૃદય તું ના ધબક
એ જ દેશે ઘાવ છાંટી નમક ! ***
રેલના પાટા સામો સંબંધ છે
આપણો કેવો ઋણાનુબંધ છે ! ***
બધાં ઘુવડ બની બેઠાં છતાં
અઘોરી મૌન પીગળતું રહે.***
આંસુનો ઇતિહાસ લખો
આંસું શું છે ? ખાસ લખો. ***
દમ નથી વાતમાં ને શું પૂછ્યા કરે ?
એટલે મૂછમાં ‘સાજ’ મલકયા કરે.***
વડોદરાના આ કવિના કાવ્યસંગ્રહ ‘મઝધાર’ (2017)માંથી ચૂંટેલા શેર રજૂ કર્યા છે. કવિ સતત કવિતાના પ્રવાસમાં છે. કવિતા જ એમની મંઝિલ છે અને ‘વેણુનાદ’માં કવિ કૃષ્ણપ્રેમમાં લયલીન છે.. એમનો આ પ્રેમ પણ કવિતામાં વહ્યા કરે છે.
‘કાવ્યવિશ્વ’માં સ્વાગત છે
મઝધાર * ડો. પુરુષોત્તમ મેવાડા, ‘સાજ’ * ધબક 2017
***
આભારી છું આદરણીય લતાજી આપનો, મારા ખૂબ જ ગમતા શેરને આપે પણ પસંદ કર્યા.
બધાજ શેર ખુબ ગમ્યા અભિનંદન
આપનો ખૂબ આભાર