શૈલેષ પંડ્યા ‘નિશેષ’ ~ પહેરે છે * Shailesh Pandya ‘Nishesh’

33 Comments / કાવ્ય / By

કદીક એ ઝરણ, કદી પહાડ પહેરે છે,
કવિ શબદનું નીત લીલું ઝાડ પહેરે છે.

સૂરજ તણી નથી તમા કદી એ આંખને,
જે ચાંદથી ઉછીનો લઈ ઉઘાડ પહેરે છે.

એ આજ શોધવા જ નીકળ્યા છે છાંયડો,
અહમ્ તણા ઊંચા ઊંચા જે તાડ પહેરે છે.

શું સાચવે સબંધ એ નઝરની આશનાં,
નયન મહીં જે કાચની તિરાડ પહેરે છે.

તું દેને  લાજ ઢાંકવા ધજા તારી પ્રભુ,
જે મા શરીર ચીથરું જ માંડ પહેરે છે.

~ શૈલેષ પંડ્યા ‘નિશેષ’

છેલ્લો શેર કમાલનો થયો છે. એમ તો પહેલો અને ત્રીજો શેર પણ ખૂબસૂરત છે.

ગઝલના બંધારણ બાબત જાણકારો કહી શકે.

Related Posts

Leave a Comment

Your email address will not be published. Required fields are marked *

33 thoughts on “શૈલેષ પંડ્યા ‘નિશેષ’ ~ પહેરે છે * Shailesh Pandya ‘Nishesh’”

  1. હરીશ દાસાણી.મુંબઈ

    શબદનું ઝાડ નિતલીલું ખરું પણ એ માત્ર કવિ માટે. તિર્યક રીતે ભાવની અભિવ્યકિત કરતી કવિતા.

    Reply
  4. ઉમેશ જોષી

    કવિ શબદનું નીત લીલું ઝાડ પહેરે છે.
    વાહ કવિ…સરસ અભિવ્યક્તિ છે.

    Reply
  7. Anonymous

    છેલ્લા શેરમાં માની લાજ ઢાંકવા ભગવાનની ધજાની માંગણી કરીને કવિએ કમાલનો કટાક્ષ કર્યો છે. સારી ગઝલ વાંચ્યાંનો આનંદ થયો.

    Reply
  9. રમેશ મારૂ

    શું સાચવે સબંધ એ નઝરની આશનાં,

    નયન મહીં જે કાચની તિરાડ પહેરે છે.

    વાહ… અદ્દભુત

    Reply
  10. શૈલેષ પંડયા નિશેષ

    આ સરસ મજાની કાવ્ય કને ગઝલની વેબસાઈટ પર મારી ગઝલ પ્રસિધ્ધ થઈ એ માટે લતા હિરાણીનો ખાસ આભાર અને મારા સૌ ભાવકોને બહોળા પ્રમાણમાં સારું વાંચવા મળે એનો વિશેષ આનંદ.. આપ સૌનો હૃદયથી આભારી..

    Reply
  11. ભદ્રેશ વ્યાસ"વ્યાસ વાણી"

    મસત ગઝલ
    પણ તણા,તણી,મહીં જેવા શબ્દો અવગણો તો વધુ જામશે.

    Reply
  12. ભદ્રેશ વ્યાસ"વ્યાસ વાણી"

    મસ્ત ગઝલ
    પણ તણા,તણી,મહીં જેવા શબ્દો અવગણો તો વધુ જામશે.

    Reply
Scroll to Top