હવે તો માળામાંથી ઊડું * હીરાબહેન પાઠક
હવે તો માળામાંથી ઊડું !
બસ, બહું થયું
કયાં લગી આમ ભરાઇ રહેવું ?
સાવ ઘરકૂકડી !
હા, માળામાં છે,
મારા સુંવાળા સુખ શાંતિ,
પણ આ દૂરનું આકર્ષણ,
તો છે આભ, મારી ગતિ
હવે એ જ સન્મતિ,
હું જીવું મારા વતી..
પાંખોમાં વિદ્યુત સંચાર
અડધા ચરણ માળામાંહ્ય,
અડધા કેવા ઉંચકાય!
ચંચુ ને ચક્ષુ આભે ધાય
કરું ગતિ ઉતાવળી..
આ હું ઊ…..ડી ચલી !
~ હીરાબહેન પાઠક
સ્ત્રીને બંધિયારામાંથી છૂટવાની ઈચ્છા સુપેરે રજૂ થઈ છે.